Lmar web

غزل / محمدنعيم ازاد - پښين

10.09.2009 07:17

د هجر شپه چي تر سهاره پورې رسي خدايه!

ته مي په سترګو كې ژوندي و لرې كسي خدايه!

 

هغه پښتون د زړۀ په غوښو پښتونواله پالي

د چا چي يار و غربت دواړه مېلمانه سي خدايه!

 

تل چي پرې سوي ګلان و وينم د چا په لاس كې

ډېر ځوانيمرګي پښتانه مي را په زړۀ سي خدايه!

 

هغه سړى ښكاره خبره ده چي مور به لري

چي زړۀ يې و غواړي او هغه رنګه وسي خدايه!

 

زما ازاد د هجر دغه چول وهلى نظر

بيا به د مينې پر چينه كله اوبه سي خدايه!

تكړه شاعر، ليكوال او سپېڅلى پښتون محمد نعيم ازاد

۱۵۸