Lmar web

هايكوګانې / شهيم كاكړ - ږوب

20.08.2009 10:17

له امريكې د خلكو دومره بد سول

 چي دوه غوايه يو بل په سر وهي هم

 دوى وايي دا د امريكې سازش دى

::::

 

وايي چي خر هم په دولت خرخان شي

نو بيا كم اصل بې هنر زردار ته

هم صاحب نه، بايد خرخان ووايو

::::

 

ياره قسم په خداى باور پرې وكه

ستا نوراني مخ ته چي ګورمه زه

لكه چي وايم د نېكيو كتاب

::::

 

چي تكبر له جهالته كېږي

نو بيا خو ډېر دغه مغرور عالمان

دي تر جاهلو شپنو هم جاهلان

::::

 


ستاسو تبصره


لطفاً لاندې افغانستان په انګليسي تورو وليکئ.
۱۵۸